《地产仔》同廖子妤争吴肇轩 陈颖欣:这感觉太得人惊


© 由 头条日报 提供Fish和Yanny今次在《地产仔》已是第二次合作,但始终对手戏不多,她们笑言下次有机会可合演情侣。

陈颖欣(Yanny)和廖子妤(Fish)最近在ViuTV剧《地产仔》,同样锺意吴肇轩,两人跟对方亦有不少难忘戏份,Yanny坦言拍完不久仲有少少挂住吴肇轩演的「狐飞」,笑言这感觉太得人惊。Fish剧中的中性打扮相当突出,连胡子彤试过当正她男仔差啲拍落胸,而她虽然要束胸演出好辛苦,但耐了反而爱上这造型,更想挑战反串角色。 撰文:杜淑霞 摄影:谭壹致

剧中Yanny演的「欣猪」同吴肇轩演的「狐飞」甜蜜蜜,连Yanny估唔到拍完后竟然仲挂住对方,「戏外我成日觉得吴肇轩好烦,但系因为『狐飞』嘅关系,我有啲唔小心好挂住佢,竟然完咗套剧会成日都谂起佢,我发梦又见到佢㖞!太得人惊!(抽离唔到会出事㗎㖞?)完全唔系抽离唔到,但系有一段时间系挂住佢,o依家讲番都好伤心,原来挂住个角色系咁深㗎啰!」


© 由 头条日报 提供Fish这场醉酒戏特别难忘,因跟吴肇轩在冇夹过情况下,顺利跳着舞演仲一次过完成。

Fish剧中演的「鱼哥」经常跟下属吴肇轩、胡子彤、邱士缙和徐浩昌一齐,她最开心成功融入男仔堆,「大家冇当我系女仔,会一齐玩,子彤仲差啲拍咗落我个胸度,佢吓一吓讲Sorry,虽然我有少少吓亲,但系我都几开心!(Y:系咪乘机㗎佢?)应该唔系啩!」Yanny亦大赞「鱼哥」好有魅力,「佢个戏场好利害,佢一换咗套西装出嚟,个个都哗!好有型,佢成日电我,我喺戏入面畀佢电多过『狐飞』。」


© 由 头条日报 提供Fish为「鱼哥」的Chok爆放电表情,事前下过不少苦功对镜练习。

原来连Fish自己都爱上这造型,「其实每日束住系好辛苦,系会胃痛啦!呼吸唔系几舒服,但久而久之又变成一个盔甲,我唔着就觉得好唔安全,可能适应咗,尤其是我着埋套西装,我平时个人系比较怕羞啲,见到多人就冇乜信心或者易紧张,但我着住会做咗第二个人,佢畀咗我好多信心。」她更想将来有机会挑战反串角色,譬如《锺无艳》的「齐宣王」或者《红楼梦》的「贾宝玉」。

发型:Calvin Tsoi@HAir(Yanny)、 ZapTang@Essensuals.hk(Fish)

化妆:King Yip@King's Makeup(Yanny)、Melody Chiu(Fish)

服装:agnès b.(Yanny)、initial Fashion(Fish) 场地:Daisy Bloom


© 由 头条日报 提供Yanny强调她挂住的只是剧中的「狐飞」,而非好烦的吴肇轩。